Y Dysgwr Araf

Oer

Rob Bruce — Sun, 28 Nov 2010 16:25:38 +0000

Gath y botel o ddŵr ‘ma ei gadael yn y car dros nos.

Oooooo, ma’n oer!

Bach o Seiclo

Rob Bruce — Sat, 06 Nov 2010 18:27:28 +0000

Cadwch yr Eryri. Cadwch y Bannau Brycheiniog. Y mynyddoedd Cambrian, Elenydd, yw fy nefoedd.
Dyw safon y lluniau ddim yn dda iawn (ffôn symudol!) ond maen nhw’n dangos prydferthwch yr hydref yng Nghanolbarth Cymru mewn ffordd ddigon da.

Band Llydan

Rob Bruce — Sat, 16 Oct 2010 13:31:49 +0000

Band llydan? Dim heddi.

O Diar

Rob Bruce — Sun, 03 Oct 2010 14:34:04 +0000

Mongomeryshire County Times, yr wythnos diwetha:

Dim mâs o ddeg.

Y Daith i Waith – Y Gwir

Rob Bruce — Mon, 27 Sep 2010 21:56:41 +0000

Jysd rhag ofn i chi feddwl bo’ fi’n teithio i waith bob dydd o dan yr haul ar ffyrdd gwag, dyma’r gwir.

Y Gwir

Sownd tu ôl cerbyd anifeiliaid. Yn y glaw.

Swydd Newydd

Rob Bruce — Thu, 23 Sep 2010 21:29:45 +0000

Wel, dwi wedi dechrau fy swydd newydd yr wythnos ‘ma. Wi’n gorfod teithio o Landrindod i Lanidloes ac yn ôl pob dydd. Mae lot o bobl sy ddim yn lico’r syniad o ddreifo rhy bell i waith, ond wi wedi joio’r daith hyd yn hyn. O leia wi ddim yn treulio amser mewn tagfeydd traffig rhwng Pontypridd a Chaerdydd.

Croesfan Wastad Llandrindod

Llanllŷr

Dol-y-Fan

Ymuno â'r A470

Doldolwod

Llanwrthwl

Rhaeadr Gwy

Pont Marteg

Glyn Gwy

Llangurig

Rhwng Gwy a Hafren

Ffordd osgoi Llanidloes

Ffa Coffi Starbucks

Rob Bruce — Thu, 16 Sep 2010 10:26:42 +0000

Mae Starbucks yn actio fel bwli, yn ôl stori ar wefan y BBC. Ydyn nhw yn credu bod eu cwsmeriaid yn ynfydion?

Bandit

Rob Bruce — Fri, 10 Sep 2010 09:57:57 +0000

Oedd y rhifyn Bandit neithiwr (9fed Medi – sbesial Maes B) yr un gwaetha erioed?

Elin Fflur? Bryn Fôn? Dim ond hanner cân o’r set anhygoel Cate Le Bon? Dim Plant Duw o gwbl? A ble oedd Crash.Disco!?

Dwi’n siomedig iawn.

Dwi’n gwbod yr oedd Maes B yn eitha fflat ‘leni, ac efallai doedd safon y sŵn yn ystod setiau rhai o’r bandiau ddim digon da i’r teledu, ond mae rhai o ni sydd gyda diddordeb mewn cerddoriaeth, dim stwff canol y ffordd fel Elin Fflur a Gwibdaith Hen Frân. Mae digon o le ar S4C amdanyn nhw eisoes.

Roedd Huw Evans yn edrych fel yr oedd e’n cymryd y pis mâs y rhaglen, hefyd. Duw a ŵyr beth sy’n mynd i ddigwydd pan ddaw y toriadau.

Dal i Fyny

Rob Bruce — Tue, 07 Sep 2010 21:49:09 +0000

Mae recordiad gig ola y Promatics ar gael ar wefan C2 BBC Radio Cymru yma. Nath y grŵp benderfynu rhoi’r ffidl yn y to ar ôl Maes B eleni. Mae’n amser i symud ‘mlaen i bethau gwell, gobeithio.

Nath y set gynnwys fersiwn o’r gân Dal i Fyny gan Winabego. O’n i’n meddwl y fi oedd yr unig person yn y byd sy’n cofio Winabego.

Diweddariad Java

Rob Bruce — Mon, 06 Sep 2010 21:51:51 +0000

Beth yn y byd?
O’n i’n trio diweddaru Java ar fy mheiriant Vista.
Roedd problem – achos o rhyw fath o cyclic redundancy check doedd y diweddariad ddim yn gallu parhau.
Ocê, nes i feddwl, mae’n well ‘da fi fod yn ddiogel. Ond y ffeil gyda’r problem oedd readme.txt! Beth yw’r bobl Java yn disgwyl? Firws sgript yn y readme?